Ostiral honetan Gasteizen egingi duen Osoko bilkuran, horrez gain, oinarrizko hiztegi juridiko-parlamentarioaren azken aurrerapenak aztertuko dira
Ostiral honetan, uztailak 22, Gasteizen, Arabako Foru
Aldundiaren egoitzan, egingo duen Osoko bilkuran Euskaltzaindiak «mugarritzat»
jo dituen bi egitasmo izango dira protagonista, Akademiak ohar baten bidez
aurreratu duenez.
Hala, oinarrizko hiztegi juridiko-parlamentarioaren azken
aurrerapenak aztertuko dira eta Euskal Hiztegi Historiko Etimologikoa (EHHE)
aurkeztuko da.
«Gogoratu behar da hiztegi juridiko-parlamentarioa osatzeko
ahaleginak adostasun historikoa ekarri duela, bere garaian Akademiak eta Eusko
Legebiltzarrak sinatutako akordioak bestelako atxikimenduak jaso dituelako
harrezkero (hain zuzen, Arabako, Bizkaiko eta Gipuzkoako batzar nagusiena eta
Nafarroako Parlamentuarena)», argitu du Euskaltzaindiak.
Euskal Hiztegi Historiko Etimologikoa, bestalde,
Euskaltzaindiak 2009an egindako Barne Jardunaldietan abian jarri zuen egitasmoa
da. Joseba Lakarraren ardurapean abiatu zen egitasmoaren xedea euskal hitzen
jatorria eta historia modu sistematikoan aztertzea da, euskal hitzen orain
arteko ikerketa historiko eta etimologikoetatik abiatuta, eta Orotariko Euskal
Hiztegian bildutako informazioa baliatuta.
FUENTE: DIARIO VASCO 22 JULIO de 2016
FUENTE: DIARIO VASCO 22 JULIO de 2016